SHBK dhuron 90 pajisje dixhitale për qendrat e vaksinimit

17:11 | 28 Qershor 2021
Arbresh.info

Shoqata e Bankave të Kosovës njofton se ka dhuruar një donacion me 90 pajisje dixhitale për nënshkrim elektronik për qendrat e vaksinimit për të gjitha komunat e Kosovës.

Në emër të Shoqatës së Bankave të Kosovës donacioni është dorëzuar nga Z. Petrit Balija, Kryeshef Ekzekutiv, dhe është pranuar nga Dr. Faik Hoti, Udhëheqës i Divizionit për Komunikim me Publikun në Ministrinë e Shëndetësisë.

Z. Balija tha se ky donacion paraqet një ndihmë të rëndësishme nga sektori bankar në procesin e vaksinimit dhe vjen në vazhdën e shumë donacioneve të tjera që sektori bankar ka bërë për të luftuar pandeminë.

Donacioni i pajisjeve është pranuar nga Dr. Faik Hoti, Udhëheqës i Divizionit për Komunikim me Publikun në Ministrinë e Shëndetësisë dhe Drin Podrimqaku, këshilltar në Ministrinë e Shëndetësisë, të cilët falënderuan Shoqatën e Bankave për mbështetjen e ofruar./arbresh.info/

 

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm